Giuseppe Verdi representa pal mundu de la historia de la música y, sobretoo, pal mundu de la ópera, un puntu d’inflexón. Ye un enantes y un dempués. La so propia vida percuerre, como si d’una de les sos grandes óperes tratárese, un llaberintu emocional del que ye difícil salir y recuperase. Tolos sos duros golpes fixéron-y convertise nún de los más grandes contadores d’emociones de la historia.

Él lleva a lo sublime les emociones más básiques. Cúntales talo como son y esplórales al detalle, conviertiendo asina un arte maraviyosu en daqué máxico. Entender quién yera Verdi como home va facenos entender meyor la so trayectoria como compositor y descubrir cómo llegó a influyir pa siempres nun xéneru como ye la ópera.