Propuesta orixinal fundada nel 2013 qu’integra la narración oral y la música nuna puesta n’escena cuidada afitada na trayectoria profesional tan llarga de los sos componentes en dambos campos artísticos. Les hestories narraes entrellácense cola música de guitarres, violonchelu y violín, amás de trés voces mui personales qu’intercambien el protagonismu a lo llargo del espectáculu.

El públicu va vese metío nun mundu ablucante d’imáxenes y sensaciones de la que la historia va desendolcándose, alternándose y complementándose cola música. Nenguna actuación de Storytellers ye igual, porque cada hetoria suxer un escenariu nuevu, músiques nueves, idees nueves, lo que fai a la formación evolucionar de contino.