Nesta versión del cuentu de Blancañeve vamos entemecer elementos sacaos de la hestoria "real" con otros sacaos del nuesru propiu imaxinariu, más averáu a les hestories y colores de les películes de Tim Burton qu’a los Hermanos Grimm o Disney, y too va dir adobao con una montonera de dosis d’humor daqué faltosu, gamberru y bien irónicu.

Trés personaxes tán sacando fotos mentes empieza la nuestra historia. Retrátense colos personaxes de la obra buscando la meyor lluz, la meyor pose, el meyor filtru… Busquen más siguidores como propósitu vital. Y van apaeciendo la Blancañeve miope, la madrastra a la gueta de guapura y siguidores d’IG, Pepel’l Pescador (tan inocente), el príncipe del reguetón o los nuestros naninos: neños y neñes convertíos en "ni-nis"...

Asina ye la nuesa Blancanieves XXI. Y… colorín, coloráu, esti cuentu quedó estrozáu.