Un taller de 2 hores empobináu a quienes quieran empezar a escribir la so propia novela, al traviés d’un sistema d’ocho bloques didácticos que van ayudate a avanzar, dende la primer fase de autoconocimientu necesariu pa saber qué tipu d’escritor/a yes, hasta’l facer un primer bocetu del entamu de la to novela.

Mientres l’actividá van amosase les nociones básiques pal desenvolvimientu de la trama, les fases de documentación y construcción de personaxes, les decisiones alrodiu de cuestiones como la estructura narrativa y los tipos de narradores, amás de delles claves pa plantegar un entamu qu’atrape al llector.