Baxo la marca que mientres años identificó una de les cites musicales más cañeres del branu na península, naz «Derrame Rock Kids», un espectáculu adaptáu al públicu infantil y familiar, en formatu banda.

La idea ye que pás, mas, fíos y fíes compartan una esperiencia roquera y pásenlo podre toos xuntos. Mientres l’espectáculu, amás d’esfrutar y revivir los grandes ésitos de bandes como The Rolling Stones, The Beatles o The Doors, van tener la oportunidá de repasar xuntos la historia de la música rock, con una banda de músicos de primer nivel que van adaptar estos clásicos al públicu infantil y familiar.