"Salir del tiesto" ye un espaciu p’atopase, lleer, charrar y crear, acompañaes de té y llibros.

A partir de la llectura de dellos testos, principalmente d’autores femenines, vamos dexar que la conversación fluya escontra onde nos lleve, quiciabes a pequenos exercicios d’escritura y/o ilustración que puedan formar parte d’un mural o un llibru en formatu acordión.

Les allegríes cotidianes, los mieos, les llaceries y los repulgos qu’estes dexen, la espera... Toa esperiencia pue ser materia de conversación y creación, pa texer rellaciones y crear comunidá.