Es medianoche en casi todo el cuerpo ye un proyectu de Gema y Sil Fernández.

Con esti títulu, les hermanes ufren una actuación que-yos dexa llevar a escena los poemes de Gema dende un prisma particular, frañendo deliberadamente coles idees preconcebíes de lo que tien que ser un espectáculu poéticu musical. Los testos son interpretaos por Gema, disparaos, proyectaos, solmenaos directamente a los oyíos y los güeyos del públicu mentantu Sil, guitarra en mano, esgrana cantares perfectamente integraos na atmósfera de cada poema. D’esta forma, lliteratura y música dexen de ser independientes pa fundise nun únicu mensaxe, un diálogu activu col espectador qu’aceptó somorguiase nesti paséu psicoxeogŕaficu al traviés de los sentíos.

Una travesía cargada de guapura, humor, reivindicación social, rabia y esperanza: un viaxe enllenu de vida.