Xornada tres xornada, Eugenio trabaya ente maletes, tresportando la vida d’otres persones ensin tener malpenes tiempu pa pensar na de so, naguando por poder pasar más tiempu cola muyer y los fíos.

La obra nueva d’Adrián Conde trescurre nel estragal d’un hotel vieyu, ente l’humor, la maxa, l’equívocu y la tenrura. Una comedia visual que nos tresllada al cine mudu, enllena de sorpresa y simbolismu, onde se nos convida a reflexonar sobre’l ritmu afogadizu nel que vivimos y les prioridaes de la nuestra propia vida.

¿Va ser quién Eugenio a parar el tiempu y descubrilo?

Convidámosvos a facer les maletes y acompañalu nesti viaxe movíu pa disfrutar con tola familia ensin movese del recibidor d’un hotel.

Una historia col sellu inconfundible d’Adrián Conde.