Nuna sociedá na que los neños conviértense n’adultos demasiáo rápido, garren responsabilidaes superiores a les que-yos correspuenden, y escaecen la importancia del xuegu, Hodei convídanos a acompañala nel más importante de los sos viaxes… Un viaxe bien especial a los sos suaños, al so mundu idílicu, en busca de too aquello que suañaba facer cuando yera pequena. Porque los suaños tán pa eso, pa persiguilos, pa lluchar por ellos y nun parar hasta consiguilos, yá que formen parte del nuesu ser, del nuesu corazón. Mientres el viaxe va conocer a Pareidolia, un ser enigmáticu y traviesu qu’habita ente les nubes.

Una obra enllena de sensaciones que reivindica la recuperación de la maxa nel circu clásicu, con una representación mimada nun ambiente íntimu embaxo una pequena carpa inspirada nos circos ambulantes del sieglu XIX.

Teatru d’inmersión onde’l públicu va ser parte activa d’un propiu espectáculu nel que se combinen la estética circense, el teatru y la maxa.