Sindo ye "l’atopáu", esi neñu que quedo "pa en casa". Ruinucu, falancieru, célebre... ye l’etenru mozu que lleva años de folixa, que adora a "mama", que de tanto compartir cocina carbón colos güelos deprendió histories antigües, pero que cuenta siempre con inocencia y dende una radical contemporaneidá.

Col personaxe de Sindo, Carlos Alba afonda nel so llabor col monólogu asturianu, un xéneru tradicional con sieglos d’esistencia. Cuida la palabra, usando un asturianu ricu, entendible y natural, que suena a lo que siempre sonó. Depués d’algamar el premiu Oh 2025 a la meyor Interpretación Masculina, con "Tengo casería: monólogos de Sindo" ufiertamos un espectáculu que se sofita nel trabayu actoral, pero tamién na sensibilidá pa cola cultura popular, na conocencia del humor asturianu y na tresmisión, d’un xeitu entreteníu, de la cultura tradicional.