¡Atención, terrícoles! Un malváu meteoritu amenaza con destruyir el nuesu amáu planeta Tierra ¡Vien l’eventu del sieglu y nun vas querer ser l’únicu perdíu nel espaciu, mientres too esplota... de diversión! La misión pa salvar a la humanidá yá ta preparada y queremos convidate al despegue de la nave que va salvar el nuesu destín.

¡Diversión a máxima potencia, emociones a tope y sorpreses pa dexate cola boca abierta! Amás, vamos cuntar con un presentador que relluma como una supernova: ¡AGUSTÍN MARTÍNEZ! Y, home va, tamién vamos tener al incomparable Manolito ¡El nuesu héroe galácticu! ¡Escoyíu ente miles pa dexar la so buelga cósmica!

¡Fai güecu na to axenda porque esti despegue ye daqué que nun quedrás perder! Amás, y gracies a los nuestros patrocinadores estelares, esti eventu vien cargáu d’increyibles sorteos intergalácticos y premios d’otru planeta ¿Vas perdelu? ¡Nun digas que nun t’avisamos!

¡Preparáivos pa una aventura cósmica enllena de rises y entretenimientu absurdu!