La Biblioteca Ambulante na Yurta Nomad ye un proyectu col que creamos un espaciu de llectura pal públicu infantil y una alternativa al usu de pantalles. 

El públicu familiar va disfrutar de la llectura adientrándose na Yurta Nomad, un llugar atopadizu y cercanu, onde poder escoyer cuentos. Llibros en maletes, escolingaos peles muries, pa escoyer lo que se quier lleer, lo que se quier mirar… Dexa los tos zapatos y entra. Siéntite como en casa y disfruta ensin prieses, el tiempu que faiga falta.