La escritora xixonesa Corín Tellado va pasar a la historia como la novelista más lleida del mundu en llingua castellana dempués de Cervantes. Publicó al rodiu de 5.000 títulos, vendió más de 400 millones d’exemplares y les sos noveles fueron traducíes a 27 llingües. Con too y con eso, la crítica especializada ignoróla dafechu y nes cais d’Asturies nun hai malpenes buelgues de la so presencia.

¿Cómo ye posible qu’una muyer con una obra qu’algamó tal nivel d’espardimientu nacional y internacional nun tenga la reconocencia que merez?

Esti espectáculu repasa la vida de Corín Tellado, dende la so nacencia hasta la fin de los sos díes, reflexonando al rodiu de cuestiones y fechos fundamentales na so vida y pagándo-y el xustu homenaxe que, ensin dulda dala, merez una muyer tan estraordinaria como ella.