Sesión de narración infantil onde los neños y neñes van conocer, de mou participativu y al traviés de les histories y los cantares, los oríxenes de los cuentos tradicionales y cómo evolucionaron colos años col nuestru mou de vida.

Caperucita, clásica de Perrault: ¿buscamos ente toes y toos un final más civilizáu? ¿Los tres cerditos siguen asustaos o, pela cueta, conocen ferramientes nueves pa protexese del mieu?

Al traviés de los cuentos y de la tradición oral aprendimos y caltuvimos usos y costumes, quedémonos colo bono d’elles y col poder de cambiales si ta de la nuestra mano.