Blues&Kids ye un proyectu musical onde s’avera el blues al públicu infantil de manera prestosa y didáctica.

Trátase d’un viaxe qu’empieza n’Estaos Xuníos nel sieglu XIX, onde los esclavos cantaben cantares de trabayu y espirituales como forma de distrayese y tener una identidá propia, y termina cola apaición del rock&roll, ensin escaecer a los bluesman y les bandes de blues.

Vamos descubrir amás la evolución de los instrumentos, dende l’usu namás de la voz, ampliando a la utilización del propiu cuerpu y oxetos cotidianos como percusión, la introducción del banyu, la guitarra acústica o’l contrabaxu y acabando cola guitarra eléctrica, el baxu y la batería.