Taza de haikus propón una esperiencia lliteraria y sensorial qu’axunta la llectura y análisis d’una escoyeta d’estos poemes curtios d’orixe xaponés -dando acoyida a les muyeres que cultivaron esti xéneru- y el taller d’escritura de los/les asistentes de los sos propios haikus. Too eso va asoceder en paralelo a la ellaboración en directo d’un té matcha tradicional xaponés, que la so ceremonia ye al empar un procesu creativu vinculáu directamente cola esencia de lentitú, plasmu y contemplación que rique’l haiku.

Vamos afondar en dambos procesos de la cultura oriental, saborgar poesía y té, y espertar los nuestros sentíos nun taller creativu que nos va treslladar de Xapón a Asturies, comprendiendo asina la universalidá d’esti xéneru lliterariu.