Esta esposición axunta a los munchos animales que viven nel Muséu El Taller de Títeres. Dalgunos d´ellos selvaxes, o non tanto: lleones, xirafes, cocodrilos, culiebres; otros domésticos: coríos, gatos, pites, gochos...; y tamién hai caparines, cascoxos, pexes, páxaros, tortugues...

Títeres de diferentes partes del mundu, creaos con materiales diversos: madera, teles, cartón piedra, esponxa, plásticos, cartulines...

Amás, nesta visita animada y participativa vas poder ver cómo se manexen, y inclusive, tener dalgún nes tos manes pa movelu.

Una visita pa toles edaes.