Soledad ye una obra única qu’axunta pieces musicales escoyíes pol mesmu CHUS SERRANO y xuníes toes elles por una dramaturxa que parte de les alcordances más íntimes y xenuines de la so infancia y mocedá.

Ye menester transitar la soledá pa poder, dalgunes veces, descifrala, y nós vamos percorrer estilos, interpretaciones bien variaes pa llegar a facelo partiendo de cualquier de les emociones y tamién con humor.

Al traviés de la sensibilidá de los nuestros intérpretes y del so repertoriu escoyíu con detalle, vamos realizar un viaxe pelos sentíos y l’alma.