En Xixón, dende va más de diez años, l’últimu vienres del mes de setiembre celebramos la Nueche Blanca. La fecha nun ye caprichosa. A últimos de setiembre vivimos una vuelta a les rutines de caldía depués del paréntesis estival. Pero, al empar, y neso queremos poner el focu, empezamos un ciclu nuevu, abrímonos a planes, propósitos y espectatives nueves.

La Nueche Blanca de Xixón marca la entrada nun añu cultural nuevu y escomienza una temporada artística nueva na ciudá. Como tolos años, la Fundación Municipal de Cultura, Educación y Universidá Popular entama, cola collaboración de les galeríes d’arte de la ciudá, y cuntando cola participación d’otres instituciones culturales, una Nueche Blanca que gravita sobre cuatro pegollos, ciudadanía, gratuidá, sostenibilidá y vanguardia, que dan forma a un programa d’actividades repartíes per dellos espacios de la ciudá, toes elles de baldre y pensaes pa tolos públicos, con un puntu de frescura y novedá, llamando a descubrir y a participar.

Programa completu