L’Ensemble Allettamento ye un proyectu lideráu por Mario Braña y Elsa Pidre que se centra na interpretación históricamente informada del repertoriu pa violín y violonchelu de los sieglos XVII y XVIII. Foron gallardonaos col Premiu Especial del Públicu (Xixón, 2016), el Gran Premiu del Xuráu (Xixón, 2017), el Premiu GEMA 2020 al MEJOR GRUPO JOVEN GEMA 2022 al MEJOR ENSEMBLE DE MÚSICA BARROCA SIGLO XVIII Y CLASICISMO.

Participaron en Festivales como’l FIAS de Madrid, Música Antigua d’Estella, Música Antigua de Badajoz, Clásicos en Verano, Música Sacra de Martos, Música Barroca de Faro, Fóra do Lugar o’l ciclu "À Volta do Barroco" en Porto.
Ente les sos llinies de trabayu destaquen la investigación sobre la práctica d’acompañamientu harmónicu a violonchelu solu, la recuperación del patrimoniu musical ibéricu menos conocíu, amás d’un proyectu pedagóxicu y de divulgación de la música antigua al traviés de conferencies.