Conferencia de Jazmín Beirak, directora xeneral de Derechos Culturales del Ministeriu de Cultura

La conferencia va versar sobre l’enfoque de los derechos culturales, qu’implica un cambéu nos paradigmes de la política cultural tradicional, poniendo a la ciudadanía nel centru y fomentando la participación activa na vida cultural. Al considerar la cultura como un derechu esencial y una práctica social, promuévese non solo l’accesu a bienes y servicios culturales, sinón tamién el desenvolvimientu integral de les persones y les comunidaes, enanchando la visión tradicional de la cultura y fortaleciendo la democracia cultural.

Jazmín Beirak ye llicenciada n’Historia y Teoría del Arte pola Universidá Autónoma de Madrid, funcionaria de carrera, xestora cultural, investigadora en polítiques culturales, esperta en derechos culturales y política. Actualmente ta al frente de la Dirección Xeneral de Derechos Culturales nel Ministeriu de Cultura y enantes foi responsable de cultura de Más Madrid, diputada y portavoz de cultura d’esi partíu na Asamblea de Madrid. Nel 2022 publicó Cultura ingobernable, un llibru sobre la cultura como campu de tresformación social y d’afondamientu democráticu y sobre les polítiques que lo pueden fomentar.

La Dirección Xeneral de Derechos Culturales tien como ún de los sos oxetivos encarar “de manera efectiva l’accesu equitativu a la producción y el disfrute de la cultura en tol territoriu, la espresión de la diversidá cultural, la protección de la llibertá de creación y producción, la promoción del plurillingüismu y la interconexón ente educación y cultura”; y, ente otres funciones, “el desenvolvimientu d’un Plan de Derechos Culturales, la coordinación de la Conferencia Sectorial de Cultura, l’impulsu de midíes pa la vertebración territorial, la ellaboración del Plan d’Igualdá pa la Cultura, la coordinación del desenvolvimientu del Estatutu del Artista y del Profesional de la Cultura o’l Bonu Cultural Mozu”.