Circuitu de narración oral

Dende’l principiu de los tiempos de la humanidá los cuentos valieron pa tresmitir rasgos d’una cultura, amás de pa facer llegar la sonoridá y la naturaleza d’una llingua.

A mediu camín ente la narración oral y la collaboración activa de los participantes, esti taller diríxese a un públicu infantil dispuesto a escuchar histories veníes de tol mundu, valiéndose pa eso d’oxetos que van ayudar a la meyor comprensión de les y los espectadores pequeños.