La muestra organizóla la Delegación de Defensa nel Principáu d´Asturies en collaboración col Puertu de Xixón.

Esta esposición quier mostrar el marcu xeopolíticu del Mediterráneu nel sieglu XVI y les circunstancies históriques que llevaron al combate nel golfu de Lepanto, los sos protagonistes, los medios emplegaos, el desenvolvimientu de les campañes y les consecuencies de la victoria sobre la flota otomana, que quedó nel recuerdu al traviés d´ obres lliteraries y artístiques.

Na esposición resáltase, por mediu de venti paneles esplicativos, dellos fechos históricos: un panel dedicáu a Miguel de Cervantes, un participante ilustre nesta batalla, otru pa representar los ecos de la batalla na Catedral de Toledo, onde, mentes sieglos (dende 1574 y hasta 1935), celebróse una fiesta llitúrxica cada 7 d´ochobre na que s´esponíen les banderes de la galera de don Juan d´Austria, la Real, regalaes por Felipe II y unviaes por Felipe III. D´esta miente, otru panel recuerda a Don Álvaro de Bazán, el Marqués de Santa Cruz, almirante de la escuadra de galeres de Nápoles que mandó la retaguardia na batalla.