Circuitu de música

Fabes de mayo ye un grupu de folk diferente. Formen parte del paisaxe sonoru asturianu, faciéndose un sitiu ente’l folk asturianu y la escena musical alternativa, llamando l’atención del públicu pola orixinalidá de los sos instrumentos. Como les propies llegumes, les Fabes de mayo son delicaes, úniques, dulces y tienres. Cuecen a fueu baxo y arropen a quien sabe apreciales. Garren la imaxinación de la mano y llévenla de paséu. Por eso, autodenomínense folk máxicu instrumental.

Llevaron un premiu AMAS a la meyor canción folk pol tema La neige qui tombe. Con un discu editáu, el so segundu trabayu discográficu va salir nel 2023.