L´argumentu ta basáu nun fechu real.

Charlie Price ye´l fíu d´un zapateru artesanu, dueñu d´una fábrica que da trabayu a delles families d´un pueblu inglés.

Simon (Lola) tamién creció nuna familia con un padre abondo severu que nunca entendió la so afición pol baille, nin la so atracción polos zapatos coloraos de tacón altu de la madre.

Depués de la muerte repentina del padre, Charlie que tien que se facer cargu del negociu familiar que va camín de la bancarrota.

Con unos emplegaos escépticos al respective a la so capacidá como xefe, Charlie marcha pa Londres en busca de soluciones.
Depués d´un alcuentru casual descubre a Lola, una artista de variedaes que´l so mundu xira alredor d´una moda mui peculiar onde rescamplen les botes altes de plataforma. Charlie descubre qu´eses botes nun aguanten el pesu d´un home, d´ehí que siempre-y rompan los tacones. Agora Charlie tien un filón por esplotar nel mercáu del calzáu.

Un espectáculu que te va facer rir a gargayaes, emocionate, baillar, y reflexonar. ¡Un ximelgón d´adrenalina!