Muestra nel Pabellón del Principáu d’Asturies na Feria Internacional de Muestres d’Asturies

L’agua, nel sentíu más ampliu del términu, centra la muestra espositiva del Gobiernu del Principáu na Feria Internacional de Muestres d’Asturies. Nel pabellón, bautizáu nesta ocasión como La casa del agua, va amosase la importancia vital d’esti recursu tanto pa los seres humanos como pa les actividaes económiques, agrícoles y industriales y, inclusive, pal deporte o la cultura de la rexón. Amás, pretende ponese de relieve la estratexa del Gobiernu del Principáu na xestión d’esti recursu de valor ambiental bien grande, que se debe curiar, caltener, da-y un usu racional y devolvelo a la naturaleza en condiciones óptimes.

El percorríu empieza introduciendo al visitante nuna esperiencia inmersiva que lu tresllada al interior d’un covarón soterrañu cola guía d’una Xana, ser de la mitoloxía asturiana íntimamente vinculada al mediu acuáticu. La Xana va acompañar al públicu nel percorríu y va facese presente nos xuegos y desafíos que se van plantegar a lo llargo de la visita.

Al traviés de paneles, maquetes móviles, vídeos o pantalles táctiles, va esplicase la importancia del agua na nuestra vida, identificando de primeres los ecosistemes nos que pue atopase el recursu, la so distribución y disponibilidá nel planeta. Van amosase los usos del agua na casa, l’agua como fonte d’ociu, y distintes formes pal so aprovechamientu enerxéticu anovable. Va ponese amás en valor la necesidá d’un consumu consciente y responsable énte la so posible escasez y la forma na que se trata l’agua nos núcleos urbanos nos bastiazos intensos, rellacionando la mayor frecuencia d’estos fenómenos de resultes del cambéu climáticu.

Faciendo referencia a los inxenios del agua, el públicu tamién va conocer los elementos que los nuestros antepasaos diseñaron p’aprovechar la fuercia del agua y xenerar enerxía mecánica o eléctrica; asina, van representar por aciu maquetes móviles un torniellu d’Arquímedes, una central eléctrica, un molín, un mazu o un fuelle.

Con distintes animaciones, va representase’l ciclu urbanu del agua, dende’l momentu de la captación y potabilización pal suministru hasta la depuración de les agües residuales. Nun van faltar xuegos interactivos, dispositivos táctiles y dellos elementos cedíos por empreses rellacionaes cola xestión del agua implantaes na rexón, y va haber un espaciu dedicáu al conceptu de buelga hídrica y a los sos efectos na xestión del recursu.

Programa d´actividades:

Taller del agua

Al traviés de la esperimentación los participantes van familiarizase con dellos conceptos alredor del agua con atención especial a les sos propiedaes y fases.  ¡Un mundu por descubrir y por esperimentar! ¿Qué asocede en cada fase del ciclu del agua? ¿Qué ye la presión hidráulico? ¡Ven y cuntámoste!

• Fecha y horarios: 4 d’agostu, a les 12:00 y a les 17:00 hores.
• Empobináu a: públicu familiar.
• Duración: 45 minutos.
• Places: 20.
• Sitiu:  Salón d’ Actos. Pabellón del Gobiernu del Principáu d’Asturies.
• Impartíu por: El Consorciu d’Agua d’Asturies (CADASA).
• INVITACIÓN ONLINE

Cuntacuentos Misterios del mar

¿Quies descubrir los misterios del mar? Participando nesti cuntacuentos didácticu y al traviés de trés lleendes pirates, los y les participantes van entender la importancia de realizar un usu y consumu responsable del  agua, amás de prevenir residuos na rede de saniamientu. L’agua ye un recursu natural, indispensable pa la vida y pa les más de les nuestres actividaes diaries. ¡Tenemos que lo cuidar!

• Feches y horarios: 9 d’agostu a les 17.00 y 18:00 hores, 10 y 11 d’agostu, a les 18.00 hores, 14 y 16 d’agostu, a les 19.00 hores y 17 y 18 de agostu, a les 12:00 y a les 17:00 hores.
• Empobináu a: públicu familiar.
• Duración: 50 minutos.
• Places: 60.
• Sitiu:  Salón de Actos. Pabellón del Gobiernu del Principáu d’Asturies.
• Impartíu por: El Consorciu d’Agua d’Asturies (CADASA) en collaboración con Mono Escena Compañía de Proyectos Escénicos y Creación Artística.
• INVITACIÓN ONLINE

Taller infantil El cursu del agua

La nuestra collaboración ye clave pa protexer el mediu ambiente, curiar la redolada y salvaguardar los recursos naturales, pero pa concencianos y saber cómo actuar tenemos que conocer tolos detalles. Ven y vas ver cómo s’empuerca l’agua de les nuestres cases y nes ciudaes y cómo depués se depura pa devolvelo a la naturaleza en condiciones perbones. ¡Vas plasmar!

• Feches y horarios: 10 y 11 d’agostu, a les 12:00 y a les 17 :00 hores.
• Empobináu a: públicu infantil, de 7 a 12 años.
• Duración: 30 minutos.
• Places: 25.
• Sitiu:  Salón d’ Actos. Pabellón del Gobiernu del Principáu d’Asturies.
• Impartíu por: Impartíu por FACSA – Ciclu Integral del Agua.
• INVITACIÓN ONLINE

Taller familiar Fluvik - Día del Agua en FIDMA

¿Quies saber cuálos son los problemes de caltenimientu qu’afecten a los nuestros ríos?¡Xuega con nós y da-y la vuelta al estáu del ríu!

Al traviés d’un xuegu prestosu proponémosvos tratar de resolver los problemes de caltenimientu qu’amenacen al nuestru ríu particular, Fluvik, como l’alteriadura de les sos riberes o la contaminación de la so agua.

Xirando una ruleta y poniendo a prueba la nuestra maña pa superar delles pruebes y retos, vamos tratar de desaniciar estes amenaces pa llograr un ecosistema bien calteníu que pueda desenvolver les sos funciones.

• Feches y horarios: 14 d’ agostu, a les 11:30 hores.
• Empobináu a: público familiar
• Duración: 45 minutos.
• Places: 18.
• Sitiu: Salón d’ Actos. Pabellón del Gobiernu del Principáu d’Asturies.
• Impartíu por: La Confederación Hidrográfica del Cantábricu.
• INVITACIÓN ONLINE

Taller familiar Les 3 P: Pipí, Popó y Papel - Día del Agua en FIDMA

Al traviés d’un taller perdinámicu, los participantes van entender la importancia de facer un usu correctu del inodoru. Amás de realizar un esperimentu cenciellu pa ver de forma gráfica qué ye lo que se pue y nun pue tirar al inodoru, van disfrutar del cuentu “Doro, el inodoro”.

• Feches y horarios: 14 d’agostu, de 12:30 a 14:00 h y de 16:30 a 18:15 h y 15 de agostu, de 13:30 a 14.30 y de 18:00 a 19:30 h
• Empobináu a: públicu familiar.
• Duración: l’actividá va tar disponible de contino nes franxes horaries indicaes.
• Places: 50.
• Sitiu:  Salón d’ Actos. Pabellón del Gobiernu del Principáu d’Asturies.
• Impartíu por: La Empresa Municipal d’Agua (EMA) en collaboración con Jarana05.
• INVITACIÓN ONLINE

Taller familiar Aqualoxía Asturagua

Al traviés d’esperimentos cenciellos y l’usu de dellos recursos dixitales los participantes van descubrir munches coses interesantes sobre cómo llega l’agua a les cases o qué tratamientos se realicen pa que seya potable o pa devolvelo al mediu natural. Amás, afonden en temes como’l curiáu del mediu ambiente o la importancia de tener un consumu responsable

• Feches y horarios: 15 y 16 d’agostu, a les 12:00, 13:00, 16:00 y 17:00 hores.
• Empobináu a: públicu familiar. Edá aconseyada de neños y neñes de 6 a 12 años.
• Duración: 45 minutos.
• Places: 20.
• Sitiu:  Salón d’Actos. Pabellón del Gobiernu del Principáu d’Asturies.
• Impartíu por: Asturagua en collaboración cola Científica Quimi.
• INVITACIÓN ONLINE

Preba d’agua L’agua del grifu: de lo bono, lo meyor - Día del Mediu Ambiente en FIDMA

Feches y horarios: 16 d’agostu, De 11.30 a 13.30 y de 16:30 a 18.30 hores

Dende esta iniciativa va ponese en valor la calidá del agua asturiano, va enseñase la importancia del agua como recursu fundamental pa la vida y va recordase que detrás d’un xestu simple d’abrir un grifu, y poder disfrutar d’agua en cantidá y calidá, hai un procesu bien complexu qu’han de llevar a cabu profesionales cualificaos y conocedores de caúna de les fases del ciclu integral del agua.

Microcharla Bones Práctiques Ambientales

Al traviés d’esta actividá empobinada n’especial al públicu más mozo va tratase de concienciar a los participantes sobre la necesidá de realizar un consumu responsable y sostenible d’esti bien escasu. Pa eso van facilitase delles pautes que contribuyen a menguar l’impactu por vertíos, residuos, emisiones atmosfériques y ruíos y a incentivar el consumu de productos y materies primes anovables. Los nuestros xestos y aportaciones cunten y muncho.

• Fecha y horariu: 16 d’agostu, a les 13.30 y a les 18:00 hores.
• Empobináu a: tolos públicos.
• Duración: 30 minutos.
• Places: Aforu de la sala.
• Sitiu:  Salón d’Actos. Pabellón del Gobiernu del Principáu d’Asturies.
• Impartíu por: Aqualia.
• INVITACIÓN ONLINE

Información d´interés:

Llugar:  Salón d´Actos. Pabellón del Gobiernu del Principáu d´Asturies.

Más información: 902 306 600 / 985 185 860 (de llunes a vienres de 10:00 a 14:00 hores).

Toles actividaes son de baldre.

Acceso a FIDMA: va recibir dos mensaxes, unu cola inscripción de l´actividá y otru col códigu pa pasar a FIDMA.