Lila Downs ye una de les artistes más influyentes y representatives de la música mexicana dientro d’América Llatina. Conocida pola importancia que-y da a asuntos como la xusticia social dientro de la so música, Downs punxo la voz pa dellos temes d’activismu, sobre manera rellacionaos cola población indíxena n’América Llatina, llogrando da-y una voz a migrantes y indíxenes.

Anguaño, Lila Downs fai la so xira mundial Dos corazones, qu’empezó en febreru per Arxentina y va llevar a Colombia, Perú, España, Portugal, Francia, Inglaterra, Estaos Uníos, Finlandia y a la fin en México. Con un setlist enfocáu a demostrar que Lila Downs ye multixeneracional, toca xéneros musicales como la cumbia, ranchera, folclore y más. Otra manera, nel 2023, Lila Downs llanza’l so álbum catorce tituláu La Sánchez, producíu por Orlando Aispuro, guitarrista y productor d’Hermosillo, Sonora, que collaboró con artistes como Carín León, C. Tangana, Matisse. Esti álbum busca plantegar el reconocimientu maternu, composiciones en tiempu de pandemia, un percorríu pel duelu y les vicisitúes de les rellaciones sentimentales y sociales, polo que podemos esperar nesti álbum nuevu de Lila Downs un soníu influyío pola música del norte del país.