Circuitu de narración oral

Los pueblos asturianos van quedando ensin xente, y los seres máxicos que viven en montes, cueves y ríos siéntense morrer porque nun queda naide que crea nellos (o que nun crea, que’l casu ye que nun queda naide de los unos o de los otros). Los más desesperaos son el Trasgu, que nun tien con quién entrastiar, y la Guaxa, que nun tien neños a los que saca-yos el sangre. Entrambos los dos convencen a Xuan de la Borrina y la Neña Barbuda, al Nuberu y a la Xana pa dir onde tán los humanos, a la ciudá. Ellí, el Trasgu cuida que les families tienen más cacía colo qu’enredar y a la Guaxa paez-y que los neños tán más gordos y el so sangre ye más dulce. Pa Xuan, la Neña y el Nuberu, el casu ye que tán aburríos de nun facer nada.

El cambéu nun va ser fácil nin pa ellos nin pa los humanos, colo que deciden que van amazcaritase de familia normal de la ciudá: Xuan de la Borrina y la Xana van facer de pá y ma; la Neña Barbuda y el Trasgu van ser la fía y el fíu, y el Nuberu y la Guaxa van ser los güelos. El misteriu va ser a quién-y va llamar l’atención más la esperiencia, a los seres humanos o a los seres máxicos.