El Chigre Menguante de Saltantes Teatro
Grau, 12/12/2025 19:30
Artes Escéniques

Xéneru: comedia
Dirixíu a: públicu adulto
Duración: 90 minutos
“¿Qué xune a unos paisanos qu’anden al debalu a milenta quilómetros ente sigo? ¿Qué conexón escura y fonda? ¿Qué llazu indisoluble y sentimental los caltién ataos pa tola vida, con un sentíu de pertenencia, con un vínculu irremediable que nun va romper xamás? Que son asturianos”.
Asina empieza’l plantegamientu d’El chigre menguante, a partir de cinco intérpretes que nos ayuden a vivir y empatizar cola vida y el sentir asturianos. Dende la democracia hasta anguaño reflexonamos cola forma de ser de l’asturiana y l’asturianu, de les families, del foriatu, del gallu, del babayu, del grandón, del repunante…
Refléxense, dende la elegancia de los personaxes plantegaos por Maxi Rodríguez, los tiempos de gloria y de crisis d’Asturies mientres les últimes décades, pero siempres dende la opinión d’esi llocal humilde que llamamos "chigre". El sentir propiu d’Asturies vívese dende’l chigre, el llugar común pa tolos sos habitantes, y reflexámoslo asina convirtiendo cualquier teatru d’Asturies, d’España y del mundu nun “chigre menguante”.