Entraes agotaes

A Rodrigo Cuevas (Uviéu, 1985) nun fai falta presentalu. Estandarte de la música asturiana contemporánea al empar que cabezaleru del caltenimientu de les esencies, l´uviedín, Premiu Nacional de les Músiques Actuales del Ministeriu de Cultura apocayá, ye un artista con mayúscules. Va unos meses, Cuevas presentaba´l so espectáculu nuevu, La Romería. Y con él va desembarcar nel Auditoriu del Centru Niemeyer dientro de la so xira internacional homónima. Llega a Avilés tamién con álbum d´estrena, Manual de Romería, col que va facer un repasu pelos sos temes orixinales, dende Arboleda bien plantada a Rambalín, pero tamién dando una visión muncho más global si ye posible: dende’l suelu de Piloña, d´Asturies y del noroeste peninsular, al mundu en xeneral.