La Ruina ye un show onde tanto asistentes como convidaos especiales comparten en público la so anécdota más vergonzosa: aquella vez que la so pareya los dexó per whatsapp, cuando se dormieron nun aconceyamientu importante, un tracamundiu con un taxista… L´anécdota típica que los amigos siempre piden que cuntes nes cenes.

En La Ruina rímonos, sí, pero de dalguna manera tamién facemos terapia de grupu al ver que toos llevamos un loser dientro.

Los cómicos y guionistes Ignasi Taltavull & Tomàs Fuentes conducen el show, acompañaos d´un convidáu que va ayudalos a comentar les anécdotes d´esa nueche.
Pelos micros de La Ruina pasaron a compartir la so miseria xente como Berto Romero, Facu Díaz, Marc Giró… Y demostráronnos que somos toos más babayos de lo que pensamos.
Cada show ye diferente y impredicible, y cada vez tien más siguidores. Porque toos tenemos (como mínimu) una ruina que paga la pena escuchar.