Nel mes de payares, el Muséu del Xurásicu d´Asturies (MUXA) centra la so programación na celebración de la Selmana de la Ciencia y, concretamente, nel Añu Cajal con una esposición temporal titulada Añu Cajal. Una mirada sobre Asturies con dellos talleres didácticos y visites especiales col nuestru equipu científicu.

Con esta esposición, el Principáu súmase a les celebraciones alredor de la figura de Santiago Ramón y Cajal con una muestra de nueve semeyes que’l Nobel de Medicina fixo n’Asturies ente los últimos años del sieglu XIX y el primer terciu del XX y que s’espunxeron la primer vez l’añu pasáu na I Feria de la Ciencia y la Innovación d’Asturies. La esposición ufierta una visión d’una de les facetes del científicu más innovadores: la fotografía.

Esta esposición incluye semeyes emprestaes pol Llegáu Cajal-Institutu Cajal, del Conseyu Superior d’Investigaciones Científiques (CSIC), pertenecientes al archivu d’imáxenes del científicu que se caltienen y asignaes a Asturies, anque ensin datar.

Collaboradores: la Conseyería de Ciencia entama esta muestra, financiada pola Axencia Sekuens. La muestra realizóla l’artista multidisciplinar Ramón Isidoro, en collaboración col fotógrafu Marcos Morilla.