Una comedia de les muyeres desamparaes.

L’espectáculu representa un alcuentru, virando a comedia negra, nes llendes d’una gran ciudá: dos muyeres al marxe de toles convenciones sociales nun encruz de caminos perdíu nenyures.

La idea d’esti proyectu ñaz de la observación de los crecientes conflictos y decadencies sociales d’anguaño, lo mesmo que de la pecariedá que sufren les muyeres, añedida a la yá desfavorable situación xeneral. La intención ye poder trabayar un tipu de teatru que caracterízase pola so unión col pueblu y la so reivindicación del papel de la muyer lluchadora, como’l de tantes dómines, y por averar una realidá que ye necesario poner de relieve, ensin escaecer la comicidá que sollivia y funciona como vía d’escape.