Antonio Cores (San Fernando de Cádiz, 1936 – Almuñécar 2020) conoció a Pablo Picasso (Málaga, 1881 – Mougins, 1973) na primavera de 1966. De resultes d´aquel alcuentru surdió una serie de setenta y trés fotografíes feches pol primeru, amás d´otra más que´l maestru malagueñu tomó de la so segunda esposa, Jacqueline Roque, y de Cores mesmu na terraza de Nôtre Dame de Vie, casa asitiada nes cercaníes de Mougins, onde vivía daquella´l matrimoniu Picasso.

La persona que propició´l contactu ente Picasso y Cores foi Luis Miguel Dominguín, amigu íntimu del pintor dende últimos de la década de 1950 y del fotógrafu dende primeros de 1966. Llamáu pol toreru col pretestu de que-y apurriere unos álbumes fotográficos de so qu’olvidare intencionadamente y que quería enseña-y a Picasso, n´abril de 1966 Cores fizo un primer viaxe a Mougins. La sorpresa foi mayúscula cuando a pie de pista del aeropuertu de Cannes taba esperándolu´l propiu Picasso. Depués, esti treslladólu a la so casa de Mougins.