La tiorba y l’archillaúd son dos instrumentos que tuvieron l’apoxéu nel Barrocu. A partir de 1750, el rastru esbórriase de sópitu hasta desapaecer dafechu. Esti programa inclúi, de manera inédita y como estrena en tiempos modernos, música d’Antonino Reggio, sacerdote sicilianu nacíu en 1725 y fináu na Roma de 1780. Como contestu, inclúinse delles de les sonates del boloñés Filippo Dalla Casa. Dambos llaudistes son, actualmente, autores de les dos últimes fontes conocíes de música p’archillaúd.