Circuitu d‘artes escéniques

Ida, La Intrépida, domina les artes del circu y la maxa; Lisa Floxa Risa, los instrumentos musicales, y Tita Ortiga apúrrenos tola sabiduría nesti tríu tan simpáticu. Xuntes viaxen con munchu humor descubriendo fazañes creíbles de les muyeres na historia. ¡¡¡Qu’empiece l’aventura!!!

Una obra de circu y humor que fai homenaxe a toles muyeres que, colos sos fitos dende los principios de la humanidá, aportaron tantos saberes y que, por dalguna razón, col pasu de los sieglos cayeron nel escaecimientu.