Circuitu d´actividaes musicales

El grupu Fontoria algama tintes progresivos, ensin escaecer los sones más tradicionales, entamando a facer batulax coles músiques d’otros llugares, como Breizh, el Piamonte Italianu o la música tradicional d’Europa Central, somorguiando dacuandu nel neoclasicismu, el folk barrocu de los 50 y 70 del sieglu XX y experimentando con música de vanguardia y lletrónica.

Tienen asoleyaos dos trabayos: Nordés (2019) y El máxicu viaxe de Fionna de Morlay (2020). El so nuevu discu, Sirio, saldrá al mercáu en febreru de 2022.