Un espectáculu con cantares, música, pintura y munchu color pa descubrir l’ablucante mundu d’esta gran pintora de vanguardia. Una hestoria que nos fala de superación, d’esfuerzu pero sobremanera, de talentu pa la pintura y de munchu entusiasmu.

Al traviés de la obra de Frida Kahlo, vamos cavilgar sobre aspectos como’l respetu pola naturaleza, el valor pa facer frente a les dificultaes de la vida, la empatía énte les emociones de les persones que nos arrodien y, sobremanera, el valor y la riqueza qu’apurre la diversidá na vida cotidiana. ¿Sabíes que na dómina de Frida Kahlo bien poques neñes podíen dir al colexu? ¿Podemos saber cómo se sentía Frida namás mirando una de les sos pintures?

Acompáñanos nesti viaxe al Méxicu del sieglu pasáu, con música y pintura en directo, y conoz la hestoria de Frida Kahlo, l’artista que pintaba lo que sentía y non lo que vía.