El xacimientu asítiase sobre la fastera del llugar conocíu como La Venta Veranes. L'establecimientu de tipu villa constrúyese nel Baxu Imperiu sobre un primer asentamientu altu imperial. Polo tanto, trátase d'una ocupación dilatada nel tiempu dende la segunda metá del sieglu I d. C. hasta'l sieglu VI d. C.

L'espaciu ta organizáu en cuatro terraces na lladera que definen un conxuntu del tipu llinial. Anque nun foi posible determinar la funcionalidá de tolos espacios escavaos, el sector oriental interprétase como un triclinium que caltién restos del mosaicu de la estancia, al sur una zona termal con restos del hipocaustu, hacia'l norte un gran pasillu que comunica les estancies de les terraces fonderes con una gran estancia cuadrangular pavimentada con un mosaicu xeométricu. Na zona occidental apaecen cuartos más pequeños y al noroeste identifíquense dos edificios llibres, un posible horreum y una estructura con cinco estancies onde se caltienen restos d'un fornu domésticu.

Servicios

Aparcamientu, Aula Didática, audio guíes n'inglés, visites guiaes pa grupos previa reserva, aseos, talleres, guardarropa.

Accesibilidá

El equipamientu ye accesible.

Accesu con mascotes

L'accesu de mascotes nun ta permitío.