El xacimientu asítiase n'El Cabu Torres, a siete quilómetros del centru de Gijón/Xixón, con una altura máxima de 120 m. nuna rodiada de cantiles sobre fondiaderos naturales.

El castru cunta con una superficie de 8 hectárees, protexíu, amás de poles característiques naturales del sitiu, nel llau sur por un fosu, contrafosu y muralla de módulos.

Gracies a les campañes arqueolóxiques, confirmóse que la ocupación empezó alreor del sieglu IV a. C., evidenciando una actividá metalúrxica bien intensa. La ocupación romana desenvuélvese dende'l sieglu I d. C. hasta últimos del sieglu III d. C., y va suponer una tresformación urbanística del recintu cola introducción de viviendes de planta cuadrangular con porches d'accesu, cubiertes de tégula y ímbrices y una pavimentación meyor.

Servicios

Aparcamientu, Aula Didáctica, visites guiaes, aseos, audio guíes.

Accesibilidá

El equipamiento ye accesible.

Accesu con mascotes

L'accesu de mascotes nun ta permitío.