LABoral Centru d´Arte inauguróse en 2007 pa introducir y fortalecer los ámbitos nuevos de la cultura dixitaldel s. XXI, al traviés de conexiones tresversales ente arte, ciencia, tecnoloxía y sociedá. La so misión fundamental ye facer qu´un públicu bien ampliu puea participar del diálogu ente distintos campos de la esperiencia y el conocimientu pente medies de proyectos d´investigación, formación, producción y esposiciones, que tienen dinámiques de trabayu que suelen tar rellacionaes estrechamente. La participación de LABoral Centru d´Arte y Creación Industrial en redes europees de diversu calter, faen d´esti centru d´arte un espaciu de referencia d´innovación artística, social,tecnológica y cultural que se dinamiza con un programa ampliu de residencies, intercambios y coproducciones nacionales e internacionales a lo llargo de tol añu.

 

Consulta l'axenda d'actividaes y eventos equí.

Servicios

Máquina de vending café - Visites guiaes - Talleres - Aparcamientu

Accesibilidá

L´equipamientu ye accesible.

Accesu con mascotes

Nun ta permitíu l´accesu de mascotes, sacando perros-guía.

Observaciones

Pa garantizar la protección y seguranza de los nuestros visitantes, residentes y trabayadores, el Centru hixenizóse dafechu y aplíquense tolos protocolos de seguranza