Una mesa propia

Autor: Olga Mesa

Disciplina: Artes escénicas

Descripción:

Dende l'entamu del confinamientu que tamos viviendo, tán confluyendo intimamente alredor de la mesa de trabayu dos de les mios práctiques d'investigación principales a lo llargo de toos estos años: la captación del mio cuerpu mirada en movimientu al traviés de la cámara, y el mio diálogu ensin fuelgu entra la escritura coreográfica y el llinguaxe cinematográficu. "La Mesa Propia ( danza de manos )" títulu del vídeo que vais atopar, ye un tiempu suspendíu" (un « coreograma » confináu) y vital, pa un cuerpu que deseya sobrevolar y tocar el mundu allá, nos "conFINes" del sentir y del entender. Ye'l principiu d'un primer capítulu que toi texendo silenciosamente alredor de les sesiones de llectura a distancia con mio madre, con "Isadora » y con les nuestres "danzas de manos", que se tán convirtiendo en nales infinites pal principiu d'esti viaxe iniciáticu de llargu percorríu. Sobre estos aires espaciales del sentir » toi configurando de manera llibre y bonal un cuadernu fílmicu que deseyo dir construyendo nos próximos meses, y que va ser el xerme de la mio próxima creación fílmica/escénica « Shooting the waves » que voi llevar a cabu en 2022 . Deseyando qu'esti visionado vos de fuerza y enfotu a les vueses manos. El restu...ye un futuru común a conquistar!

Coreógrafa y artista visual nacida n'Avilés (Asturies), Olga Mesa ye una de les figures de la nueva danza contemporánea española. Dende los años 90 la so investigación alredor d'una escritura del cuerpu personal ya innovadora al tiempu mesmes asítiala como referente, afirmando'l llugar de lo íntimo dientro de la representación. Instalada n'Estrasburgo dende l'añu 2005, l'artista investiga nes sos obres la escritura d'una dramaturxa esperimental deliberadamente a la frontera ente la danza, la performance y les artes visuales. El so trabayu adopta distintes formes, dende pieces escéniques, de cutiu desenvueltes dientro de ciclos temáticos, a producciones audiovisuales, conferencies performatives, esposiciones y protocolos de tresmisión. A partir de 2013, empecipia una estrecha collaboración col artista multimedia Francisco Ruiz d'Infante col que dende entós comparte la dirección artística de la compañía Hors Champ // Fuera de Campu basada en Francia. Les sos obres fueron producíes y presentaes en centros de creación, museos y festivales d'Europa y América Llatina.