La inspiración y el proceso creativo

Autor: Ana Lamela Rey

Disciplina: Lliteratura

Descripción:

Dende la so habitación propia (como diz Virginia Woolf), el so llugar de trabayu llenu de llibros, proyectos y papeles, Ana Lamela Rey va cuntar con palabres ya imáxenes el so procesu creativu como poeta que vive n'una casa lluminosa en Xixón agora mesmo nel s.XXI. Al traviés d'imáxenes esplícites, directes, llenes d'actividá creativa coles palabres, voi mostrar dos o trés díes del mio trabayu como poeta: voi cuntar cómo empiezo a enllenar una fueya en blanco, qué formes d'inspiración avezo utilizar o qué ye lo que m'inspira… ¿Qué faigo si bloquio? ¿Qué pasa si m’interrumpen? Y, a lo último, cómo nun determináu momentu eso qu'empezó siendo una “idea maraviyosa” s’ordena, toma forma y termina siendo un poema y más palantre, conviértese en llibru antes de selo.

Pa ello centrarése nel últimu llibru de poemes que ta escribiendo, anque tamién van tener cabida otres poesíes de los sos anteriores poemarios publicaos y otros procesos creativos anteriores enseñando, comparando y compartiendo otres maneres, otres chispes, otres alcordances de creación.

Ana Lamela Rey ye filóloga, poeta, música, narradora oral y organizadora de talleres de fomentu de la llectura y escritura creativa pa toles edaes. Tien dellos llibros de poesía publicaos (Zebra, La Exhibicionista, La Otra...)y tamién ún de cuentos infantiles sobre adopción (La Estrella Nigeria), amás de formar parte, xunto con Aurelio González Ovies, María Do Cebreiro y Rafael Escobar del llibru colectivu El Cuadiernu del Silenciu.

Foi la directora de les dos ediciones del Festival de Poesía de Xixón Deletréame Poesía (entamáu pol colectivu artçistico-cultural Musa Cafeína) y considérase una activista cultural (alcuentros poético-musicales, actividaes infantiles con poesía, cuentos y música, conciertos...). Anguaño, tien dellos proyectos musicales: La Maga Poe (grupu asturianu qu'entemez la so poesía con música), Otra Bruja (con Antía Eseuve) y Pecado (con Nicolás Córdova y Alejandro Laviana).