Bailando pequeño, pensando grande

Autor: Pablo Dávila

Disciplina: Artes escéniques

Descripción:

A lo llargo del confinamientu los sentimientos qu’esperimentamos varien de contino, enfrentándose unos a otros. De la calma a l’ansiedá, de la ociosidá a la disciplina, de la urxencia de ser productivu a la necesidad del descansu. Una llucha constante ente voluntaes y deberes. Garrando estos grandes contrastes como inspiración y aprovechando les circunstancies qu’impón esta cuarentena, Pablo Dávila fainos partícipes del procesu de creación d’una pieza de danza inspirada nesta circunstancia y que lleva al espectador dende la primer toma de contactu col cuerpu a la materialización de la pieza final, pasando per dellos procesos d’improvisación.

Pablo Dávila empezó a formase en danza clásica a los 13 años nel grau profesional del Conservatoriu de Xixón, graduándose nel 2018. Na actualidá sigue cola so formación en Codarts, universidá holandesa de gran sonadía y proyección internacional. Na so curtia pero intensa trayectoria profesional como baillarín y coreógrafu, yá axunta gallardones reconocíos, ente los que destaca’l Premio Oh! a Meyor Interprete Masculín nel 2020.