Ciudad interior

Autor: Mónica Riveiro

Disciplina: Artes plástiques

Descripción:

Ciudad Interior surde, de mano, como una necesidá de Mónica Riveiro de siguir cola so actividá artística de fotografía de cai nel tiempu que dura esti confinamientu. Al nun poder salir cola cámara, Riveiro decide llevar la cai y la ciudá a un requexu de so casa creando un mini estudiu onde dexa llibre la imaxinación. Pa eso, recrea eses imáxenes de siluetes de personaxes solitarios qu’aveza a fotografiar al belume, y failo gracies a unos recortes en cartulina prieto y creando escenarios con oxetos inspiradores qu’atopa per casa.

Mónica Riveiro fai una semeya cada día y compártela nes sos redes sociales (Facebook y Instagram) pa dar forma a un proyectu qu’axunta imáxenes en blanco y negro que reflexen escenes de cai, otres que recreen dellos fotogrames de les sos películes favorites, y otres que falen del so estáu d’ánimu o que representen suaños o fantasíes.

Mónica Riveiro tien más de 20 años d’esperiencia nel sector de la fotografía, tocando temes profesionales como reportaxe social, prensa, fotografía de deportes o fotografía publicitaria, amás de la fotografía profesional d’estudiu y eventos sociales. Na actualidad siente un gran interés pola fotografía urbana en blanco y negro, tanto pol so paisaxe como’l so paisanaxe. Realizó delles esposiciones a nivel nacional; la última foi Historias de Liquierique nel Antiguu Institutu de Xovellanos.