El actor oculto (el proceso de creación en el teatro de títeres)

Autor: Joaquín Hernández

Disciplina: Artes escéniques

Descripción:

La espresión “actor ocultu” fai referencia al fechu de que l’actor-manipulador d’un títere tien que tentar de pasar desapercibíu pal públicu, pa ser quién a qu’esti perciba’l títere como’l verdaderu protagonista de la escena. Nesti proyectu, Joaquín Hernández va dir respondiendo a les preguntes que surden tanto cuando quier cuntar una historia con títeres como cuando otres compañíes-y faen dalgún encargu.

¿Qué clas de títere usar: de filo, de varilles, de guante, de solombres, oxetos…? ¿Qué movimientos tien que realizar n’escena? ¿Qué aspectu estéticu? ¿De qué material? ¿Ónde se va mover: enriba una mesa, nun teatrín, en suelu…? Esti proyectu videu céntrase n’amosar dos singularidaes del procesu creativu nos espectáculos de teatru de títeres que s’estremen de la creación nel teatru d’actor: la construcción de los títeres (los personaxes de la obra) y la forma d’animalos.

Joaquín Hernández ye actor-titiriteru. En 1988 forma la compañía Tragaluz Títeres y nel 2012 abre’l Muséu El Taller de Títeres. Dende 1986 dedícase a la creación de títeres, poniendo en marcha’l Taller del Sol pa la ellaboración de títeres, mázcares, cabezudos y otros oxetos. Asociáu a la Unión Internacional de la Marioneta dende’l so aniciu titiriteru, coordina la revista Fantoche.