Tecnolóxicos, de sópitu y colo que te pille

Autor: Rodrigo Cuevas

Disciplina: Música

Descripción:

En tiempos de cuarentena, de sópitu, too ye virtual. Rodrigo Cuevas tien qu’espresar tol so arte, lo musical, lo estético y lo performático al traviés de medios dixitales que nun domina del too y vese nel entuertu de facer montones de vídeos (pa conciertos cancelaos o aplazaos, vídeos solidarios y, amás, vídeos pa siguir espresando les coses que quier cuntar…), ensin tener conocimientos específicos nin del hardware nin del software y con munches duldes sobre cómo dar conciertos en streaming de calidá, de los que pueda siguir tando arguyosu.

Nesti proyectu, Cuevas propón facer un siguimientu a la so persona, como artista, de la que prepara un making of de cómo foi la preparación y el rodaxe d’un videu homenaxe a Rambal pol aniversariu de la so muerte y cómo va ser la preparación d’una caxa negra pequeña dientro de so casa pa poder facer un conciertu de calidá en streaming.

Rodrigo Cuevas empezó a tocar el pianu con ocho años. Fórmase nel Conservatoriu d’Uviéu y na ESMUC de Barcelona. Paralelamente, empieza a interesase poles músiques del mundu, el cabaré y el circu, y empieza a estudiar tuba. Pero la verdadera revelación producióse cuando se tresllada a vivir a un pueblín del interior de Galicia onde entra en contactu cola música tradicional más pura gracies a les sos vecines pandereteres. Ende empezó too.