Residencies dirixíes a artistes y creadores asturianos/es o residentes n’Asturies

Convocatoria abierta hasta el 7 de xunetu

Llaboral tien una programación estable d'actividaes pero tamién quier ser permeable a les oportunidaes de collaboración en proyectos del so entornu más cercanu. Amás, ye interés del centru d'arte contribuyir al afitamientu y crecedera del sector artísticu asturianu.

Pa ello, pon a disposición de la comunidá artística dellos espacios p’allugar residencies artístiques d'investigación y/o producción d'artistes asturianos/es o residentes n'Asturies.

Oxetu de la convocatoria:

La convocatoria busca collaborar na producción de proyectos artísticos de creadores asturianos/es que desenvuelvan residencies de trabayu en Llaboral ente 2 y 4 meses. Llaboral va escoyer un mínimu de 7 proyectos.

Espacios disponibles (resume):

- Estudios 1, 2 y 3: máximu 4 meses ente setiembre y avientu del 2021

- LLABoratoriu de Soníu: máximu 2 meses (de setiembre a ochobre y de payares a avientu del 2021)

- Galería d’esposiciones: máximu 2 meses (de setiembre a ochobre y de payares a avientu del 2021)

Condiciones:

Llaboral va aportar los recursos espaciales, técnicos y humanos pa cada proyectu, según la disponibilidá y horariu descritu nes bases.

En contraprestación, el/l'artista o colectivu va ufiertar una actividá sobre’l tema de la so investigación o producción mientres la so residencia o hasta los trés meses siguientes a la mesma. Amás, Llaboral ha apaecer citada en toles comunicaciones del proyectu como collaboradora del mesmu.

Presentación y selección de les propuestes:

Los y les artistes y/o colectivos asturianos o residentes n'Asturies van mandar les sos propuestes hasta'l 7 de xunetu del 2021 a les 12:00 h al traviés del formulariu que va de siguío y un xuráu compuestu por personal de Llaboral y un xuráu esternu, van valoralos según los criterios qu'apaecen nes bases.

Formulario de presentación de proyectos

Consultar toda la información sobre los espacios, selección y condiciones en las bases