15/03/2023.- La Sociedá Pública de Xestión y Promoción Turística y Cultural del Principáu d’Asturies publicó la convocatoria pa la selección de propuestes de los circuitos d’artes escéniques, música, lliteratura, cultura tradicional y artes visuales d’Asturies, Cultura en Rede, un proyectu de la Conseyería de Cultura, Política Llingüística y Turismu realizáu en collaboración colos conceyos asturianos y xestionáu pola sociedá pública.

Les bases tán disponibles na web www.asturiesculturaenrede.es. Les solicitúes pa estos circuitos pueden presentase al traviés de https://panel.asturiesculturaenrede.es a partir del 15 de marzu, a les 12:00 hores, y hasta’l 4 d'abril, a les 12:00 hores.

Pa los circuitos d’artes escéniques, música, lliteratura y cultura tradicional van ellaborase, desque se validen los proyectos, dellos llistaos dixitales que se van poner a disposición de los Conceyos que participen nesta iniciativa pa qu’escueyan los proyectos que quieran incorporar a la so programación cultural pal segundu semestre del añu.

Nel casu del circuitu d’artes visuales, los proyectos escoyíos van desenvolvese en dos fases: el diseñu, desenvolvimientu y producción va llevase a cabu primero del 31 d’avientu d’anguaño; y la exhibición va tener llugar a partir del 1 de xineru del 2024 y con una duración mínima d’un mes por sede o conceyu.