La Conseyería de Cultura, Política Llingüística y Deporte convoca’l premiu Obdulia Álvarez "La Busdonga" d’asturianada, un gallardón que rinde homenaxe a una muyer que nel sieglu XX impúnxose a los estereotipos de la época y destacó pol so talentu musical escepcional.

L’asturianada, presente na cultura rexonal dende va sieglos, foi un mediu esencial pa la tresmisión oral de tradiciones, vezos y la esencia del paisaxe asturianu. Declarada Bien d’Interés Cultural de calter inmaterial, la so práctica integra dellos elementos que la convierten en símbolu d’identidá y cohesión qu’ayuda a fortalecer el texíu social d’Asturies.